Føremål

Prosedyra beskriv kven som skal levere politiattest, kven som er ansvarleg for innhenting og korleis dokumentere at gyldig politiattest er lagt fram.

Føremålet er å sikre at alle tilsette som skal yte tenester der det er krav om tilfredstillande politiattester har dette og at Sande kommune kan dokumentere det for ettertida. 

Omfang/Virkeområde

Alle område der det er stillingar/oppdrag med krav til politiattest. Slikt krav går fram av lova.
Aktuelle område: Skule, barnehage, helse og omsorg,  brannvesen, kultur, arkiv/informasjonstryggleik.

Ansvar

Leiar er ansvarleg for innhenting, kontroll og loggføring av gyldig politiattest.

Aktivitet/skildring

• Politiattest skal innhentast før den tilsette tek til i arbeidet. 
• Ved utlysing av stillingar skal det gå fram av annonseteksta om det er krav til politiattest for den aktuelle stillinga.
• Attest skal berre krevjast av den søkjaren som får tilbod og som takkar ja til stillinga. Det skal i tilbodet takast atterhald om at merknadar på politiattesten kan føre til endring i tilbodet om stilling.

1. Leiar sender stadfesting på føremål til søknad om politiattest til den tilsette/oppdragstakar. 
2. Søkjar sender inn elektonisk søknad på politiet sine heimesider og legg ved kopi/tek bilde av føremål. 
3.  Leiar skal få sjå kopi av politiattesten, men attesten skal ikkje oppbevarast hos arbeidsgivar! Leiar må kontrollere at: føremålet og heimelen for politiattesten skal stemme med tilsetjinga/oppdraget, attesten ikkje er eldre enn tre månadar, attesten skal vere uten merknadar som ikkje opp vilkåra for tilsetjing.
4.  Leiar lagar merknad i personalmappa på at tilfredsstillande attest er levert